زعلانه من نفسي أوي لاني قدرت أزعل منك
بس كان غصب عني مانا بردو هنت عليك
ولو اني لسه معرفش انت مين
ومين اللي من حقه يقرا كلامي ده
بس كنت
مستنيه اسمع صوتك تقولي
" كل سنه وانتي طيبه"
ومقولتهاش
مش عارفه أنام خالص
بجد زعلانه منك
صعب عليه نفسي أوي
كل صحابي بيجلهم مكالمات
وانا لاء
مستنيه
مكنتش احب ابدا كده يحصل
مش عارفه بقى اتخانق معاك اول مااعرفك
ولا اسامحك ومقولكش وكأن شئيا لم يكن
ولا ايه؟
تعرف
لو يوم عادي كان بالنسبالي عادي
لكن النهارده مينفعش
بس بردو كنت عايزاك تكلمني قبل كل البشر
دلوقتي أنت نايم طبعا
وانا مش جايلي نوم بسببك
على فكره
متفتكرش انه ضعف مني واني مقدرش استغنى عنك
بس بحب لما احب
أحب بضمير
ويكون الانسان اللي معايا هو كل حياتي
طبعا لازم اقولها
وحشتني بس بردو زعلانه منك
طبعا لما هترتبط بيه وتقرا الكلام ده
هتقول ايه المجنونه اللي عرفتها دي
بس اعمل ايه
وعد مني لنفسي استناك
واكتبلك كل لحظه انت فيها بعيد عني
No comments:
Post a Comment