انا بحبك اوي

من قبل ماأعرفك

وخايفه منك تجرحني في يوم

نفسي اعرف انت مين؟

أو انت معايا ولا لاء؟

بس ازاي هلاقيك وانا قافله حياتي

مانا مش هثق فيك وهديك مشاعري كده

بالساهل

بس عايزه اسأل سؤال؟

هو ليه مينفعش حد يرتبط بحد غير لما يكون عارفه

طب وهما عملوا الخطوبه ليه؟

ولا دي بدايه جر رجل زي مابيقولوا

ماهي الخطوبه مش توريطه

هو انا لازم يعني اغير مبادئي

كل واحد عايز يرتبط ببنت لازم يعرفها

ويقعد معها مره واتنين وميه

عشان يدرسها

وبعدين يسمعها بودعك

اصل مش انتي اللي بحلم بيها

يااما سوري ماما هتجوزني بنت خالتي

يااما الظروف مش هتسمح ولسه بكون نفسي

يااما انتي بنوته كويسه وانا مستاهلكيش

وبعدين يعني

طبعا من تجارب صحابي الفاشله خلاص

زهقت بجد ومبقتش اثق في حد اديله مشاعري كده

يعني اغير نفسي بقى وافك كده

عشان ابقى لذيذه

والناس تحبني

اه والغريب بقى والافظع

لما تلاقي حد يقنعك بالغلط

بجد الشباب بقو سطحيين وتفكيرهم غريب بجد

ربنا يرحمنا

هو انا صحيح في زمن غير الزمن

والمفروض ادفن نفسي

بس طوبى للغرباء

مش هتغير بردو ولو متجوزتش

عادي يعني مش هموت من غير حب

مانا زي الفل اهو وبضحك

وناجحه في حياتي العلميه

اوقات الشيطان بيقولي بنت فكي بقى

وايه المشكله لما تكلميه

وتحبيه وعادي يعني

بس

لا لا

عمري مهغير حاجه اللى ربنا كاتبه هيكون

ولو نصيبي فين هشوفه وهيجيلي من غير اي حاجه

بجد نفسي الاقي حد يقولي اني صح ؟

حاسه اني في دنيا غير الدنيا

وحياه غير الحياه

انا ليه كده؟

بس انا صح اكيد واكيد هلاقي اللى يعوضني كل ده

انا واثقه في ربنا نفسي تعني على التقرب من ربنا

وتكون ملتزم

بجد انا مش زعلانه خالص

ومش هغير نفسي لاني واثقه

ان ربنا هيعوضني خير