للارتباط حسابات أخرى
فعلا ممكن الحب يخلي الانسان
يتنازل عن حاجات كتير
يعني مثلا لو هو في شويه حاجات
وحشه ومش هتتغير
بيكون الطرف التاني شايفها مزايا
يااما شايفها عيوب بس عنده امل انه هيتغير
طبعا ده رأي خطأ
لان الطبع بيغلب التطبع
ومهما حاولنا نغير في بعض
احنا زي ماأحنا
مش هنتغير
بس اللى ممكن يتغير هو حبنا
اللي هيتحول لنبذ للحياه والاختيار
يعني شويه افكار جوايا ملخبطه
بس بحاول اظبطها واعبر عنها
الاجمل بقى من كل ده
هو اني بكتبها واني بسمع شاكيرا وين ايفر
برغم اني عارفه ان الاغاني حرام
ومينفعش اسمعها بس بحاول
اخرج من اللي انا فيه لشئ اسوء منه
معرفش ليه
بس تقريبا كده لاني نفسي
اقنع نفسي بأن الغلط صح
هههههههههههههه
بحاول اغير جوايا حاجات
انا عارفه انها صح وبغيرها للغلط
وبحاول ادورعلى مبررات
هي صحيح مش مقنعه بالنسبالي
وممكن يقتنع بيها الناس
بس انا من جوايا مش بستمتع بيها
حاجه غريبه بجد
اوقات بحس اني ملخبطه ومكعبله كده
واوقات بقول ده شيطان
عموما على كل حال
كنت بتكلم عن الارتباط
يعني ايه للارتباط حسابات اخرى
كلمه سمعتها من امي يعني ايه؟
بجد مش فاهمه
بس لما قعدت وسمعتها اقتنعت بكلامها
يعني مروحش احب واحد مينفعش ببصله
وأقول بحبه وأتجوزه
ميكونش بيصلي وأقول بكره يصلي
يكون يعرف بنات واقول هقدر اغيره
ميكونش عينه زايغه اقول بكره ترسى
ميكونش بخيل وأقول بكره يفك
ميكونش عايزني لجمالي
وأقول هقدر اقنعه بعدين لما اكبر ان في
حاجات أكبر من الجمال
يعني شويه حاجات ملغبطه بس
اديني بحاول اتعلم
المهم استفدت من الكلام ده حاجه مهمه
أن الحب برغم من مش عشان
يعني انا بحبه برغم من انه مش معاه يجبلي بس نفسه يجبلي كل حاجه بس ظروفه وحشه
برغم من أسوته عليه لانه بيخاف عليه
وبيحبني
يعني الحب برغم كل المشاكل
مش عشان هو
غني او أبوه مش عارفه مين وأمه مين
وهيجبولي ايه؟
يعني الواحد لما يرتبط
لازم يحسبها بطريقه تانيه خالص
هي الحب والعقل معا
يمكن اغير كلامي ده مش عارفه
بس المهم اني مقتنعه بوجهه نظري دي دلوقتي
No comments:
Post a Comment