أهو ماشي الحال

أهو ماشي الحال

عندي امتحان يوم الاتنين في الكورس

مش عارفه ليه حاسه ان الليفل ده رخم ومش لذيذ

بس مضطره اذاكر عشان اجيب امتياز

المهم حاسه اني مستريحه أوي

بالرغم من الضغوط اللى عليه

عندي شغل عملي كتييييير اوي

وكورسات بردو كتير ومهدوده بجد

بس مستمتعه بحياتي كده

حاسه كده اني مهمه واني مشغوله ومعنديش وقت

المهم حبيبي أنا كويسه بس حاسه ان في حاجه

واجعه قلبي ايه هي مش عارفه؟

يمكن لاني عايزاك معايه وقريب مني

تعرف أوقات بقول خلص انا مش عايزاك وعادي

هعيش حياتي من غيرك عادي

بس الفطره اللى جوايا بتغلب عليه

بلاقي نفسي برجع لنفس النقطه واقول مش هينفع اعيش من غيرك

احساس غريب بحسه دايما اني عمري ماهلاقيك

بحس أن افكاري ومشاعري احتكرت كل حاجه ليهم

حتى انت

رفضوا تكون موجود في حياتي

زي مايكون خايفه ألاقيك أبطل اكتب وابطل افكر

حبيبي بجد بحبك لاني عمري ماحبيت غيرك ولاهحب في حياتي

بس أنت فين؟؟؟؟؟؟؟