أنا مش عارف أتغير
كل ماأقول هتغير تحصل حاجه
ترجعني عن كل اللي انا ناويه
كل ماأقول انا هبدأ أعيش حياتي بمبدأ
برجع بضعف تاني ومش بس أنا بضعف أوي
ايوه بقوء لما بروق واحاسب نفسي بكام سؤال
وارجع اقول مامفيش مخلوق مابيغلطش ده شئ محال
وارجع تاني واغلط تاني كأني بكلم واحد تاني
أنا زعلان من نفسي حقيقي أناغلطان وضعيف أناني
كل يوم بيعدي عليه بيعدي وينساني
أه
وأقول من بكره أكيد هتغير يجي بكره برجع في كلامي
عل الحال ده بقالي كتير
عل الحال ده أنا وكتير
عل الحال ده بقالي كتير
عل الحال ده انا وكتير
أيوه بفوء لما بروق وأحاسب نفسي بكام سؤال
وارجع أقول مفيش مخلوق مابيغلطش ده شئ محال
وارجع تاني أغلط تاني كأني بكلم واحد تاني
انا ندمان على وقتي حقيقي
انا
مش هفضل كده في مكاني
أنا مش هفضل كده في مكاني
بجد لازم أتغير
ممكن تكون شايف اللى أنا فيه
ده شئ عادي
وكلنا كده
بس أنا الذنب ولو كان صغير بيأثر فيه
لاني مش ببص قد ايه الذنب كبير
ولا صغير بس ببص انا بعصي مين
أنا بعصي اللي خلقني وخلقك
وخلق كل شئ
ربنا بجد بيحبنا أوي
ومينفعش نبارزه بالمعصيه
نفسي كنت اعيش زمن الرسول
بجد
زمن الخير والحب والامان
ياااا
كان من اسبوع بقول كان نفسي
أعيش زمن عبد الحليم وشاديه وفيروز
يااااااا
لا
انا عايزه اتغير بجد
عايزه اكون أمراءه مسلمه بجد
بتعلم عشان ربنا
بحب الناس عشان ربنا
بسامحهم عشان ربنا
أنا مش وحشه أوي
بس ممكن لو سبت نفسي اكون بجد كده
انا في بدايه الهلاك
مش عارفه ليه
نفسي ماأخافش من الموت
وأكون على طول مستعده ليه
نفسي لما احس اني هموت
اكون فرحانه أني هكون عند ربنا
قلبي هيعملي ايه؟
يوم القيامه هقول كان ضميري بيأنبني
هيعملي ايه ضميري
احنا بنتحاسب بالاعمال
نفسي افوء بجد
وارمي الدنيا دي
واكون بجد عبده لربنا
واهتماماتي تكون لديني
ودنيتي تكون مزرعه خير لاخرتي
نفسي اعيش جنه الدنيا
نفسي القران ارجعله تاني
ويكون كل همي اني اختمه
وارجع تاني ملتزمه
نفسي ارجع تاني
بجد انا ندمانه على كل ثانيه
ضيعتها من عمري من غير ماأفيد بيها
نفسي عشان الاخره
الدنيا سرقاني
ايوه باخد كورسات ونيتي فيهاعشان
ده علم ولازم اعرفه وربنا هيجازيني على كده
بس العلوم الدينيه
أنا فين من خديجه وعائشه واسماء
بجد عايزه وقفه مع نفسي وأفوء
مش عارفه أنا ليه كتبت كده
بس ده صراع جوايا
نفسي ارتبط بانسان ملتزم ويشجعني على
التقرب من ربنا وحفظ القران وسماع الخطب
نفسي ادخل ولادي ازهر
ويكونوا حافظين القران
ونكون أسره مسلمه ملتزمه بنحب بعض في الله
والله العظيم انا بحبك من قبل ماأعرفك
وجوايا حنان وحب مش في حد في الدنيا دي
وجوايا خير واخلاق اتربيت عليهم
وجوايا نفس أماره بالسوء
ونفس لوامه بس
نفسي تكون نفسي مطمئنه
بجد محتجالك جنبي
أنا قلبي بيتقطع وأنا بكتب الكلام ده
نفسي تحس بيه
No comments:
Post a Comment