أزيك وحشتك طبعا
عامل ايه ؟
بحبك أكيد ووحشتني موت
حبيبي بجد نفسي أشوفك دلوقتي
حالا وحشتني أووووووي
الاسبوع ده كان عندي فيه
مسابقه تبع الجامعه
أكدب عليك لو قولتلك مش فارقه معايا
لاء كانت فارقه بس حصلت مشكله
أن رعايه الشباب عندنا
أخروا تقديم الاعمال
وبالتالي كليتنا
خرجت بره التقييم أنا مزعلتش عادي يعني
المهم
قدر الله وماشاء فعل
المهم بقى الجو العام اللي كنا
فيه بجد كان جامد الناس كانو كويسين جدا
معانا
كمان صحبنا اللي اتعرفنا
عليهم واللي كنا نعرفهم بجد كانوا كويسين
بالرغم ان كانت في شخصيات
بتستفزني
بس بجد والله كلهم كانوا ناس
محترمه وكويسه جدا
طبعا حصل معايا موقف مكنتش
احب انه يحصل
عندي قصيده بجد موتها بايدي
انا تقريبا نسيت النحو
وبالتالي لغبطت في التشكيل بجد زعلت اوي
بس استفدت اني مقولش غير الشئ
اللي اكون واثقه فيه وبس
المهم اني استفدت من اخطائي والحمد لله
الاسبوع ده جالي دور برد فظيع
بجد كنت تعبانه وعندي سخونيه
المشكله بقى مش اني اهدى واستريح لا مبقاش رانيا
ده لازم اتنطط والعب واجري
لحد ماخلاص هنجت ولازم اترستر
المهم بقى اني الحمد لله مازلت عندي سخونيه
المشكله بقى في ايه ؟
هقول اهو اصبر
وانا بشتغل بمسدس الشمع اتلسعت ومش اي لسعه
لاااااااااااااااا
دي الجلده اتشالت
طبعا وقتها مفيش اي اسعافات عملتها وبالتالي الحاله تدهورت
لما وريت الجرح سوري الحرق لصحابي غصب عني ودوني لدكتوره
المهم زعقتلي لاني تجاهلت اللي حصل وبدأت تنظفلي الجرح لانه للاسف كان حرق مفتوح مش مغلق تقريبا
حطتلي بيتادين وكنت خايفه موت وعامله زي الاطفال
وبعد كده حطتلي كريم كده وقالتلي خليه لحد ماينشف
طبعا مبقاش راينا لو متنططش بعدها ومسحت الكريم وخليت الجرح اكثر تلوثا
فعلا الجرح تقريبا اصبح ملوثا للغايه والحاله اصبحت اكثر خطرا
وانا لازلت اسيره لليأس
أنا بجد لما بكون تعبانه مش اي حد يعرف عني اني تعبان
لاني بصراحه مش بحب ابان ضعيفه قدام حد خالص
المهم الجرح جاي في ايدي في مكان صعب اوي ومكان احتكاك مباشر بأي حاجه يعني
مش هعرف اخلي بالي من نفسي
بس الحمد لله بردو أنا كويسه وعايشه وتمام اهو
بحبك موت بجد حبيبي ونفسي بقى الاقيك واشوفك
وبتمنى كل لحظه هنتجمع فيها مع بعض
بحبك موت ووحشتني حياتي
