حبيبي ازيك معرفش ليه وأنا بكتب البوست ده

حسيت اني مجروحه منك اوي

خلصت امتحانات اخيرا يارب يستر عل التقدير بجد

اخر يوم حصلتلي مشكله كل لجنتي خلصت من نص الوقت

وهموت واعرف ازاي بيخلصو بدري اوي كده هما صحيح سؤالين والامتحان 3 ساعات

بس مستحيل بردو الدكتور هيحط امتحان يتحل في ساعه ونص بس

عموما فضلت احل وبراحتي المراقبة كانت هطق مني خالص

عادي ابتسمتلها عشان مأحسسهاش ان الاحساس وصلي

اول ماجت الساعه 11 و56 دقيقه

وكنت باكتب في اخر حرف لقيتها شدت ورقتي بغيظ قطعتلي الورقه

غصب عني عيطت وقولتها فاضلي لسه اربع دقايق قالتلي انزلي اشتكيني

أول ماخرجت قابلني استاذ هشام واستاذه هناء قالولي انزلي قولي لرئيس الكنترول نزلت اقوله لقيته مشي

طلعت للعميده مكنتش موجوده السكيرتيره بتاعتها خدتني في حضنها

وقالتلي رانيا متزعليش منها لله بجد قولي حسبي الله ونعم الوكيل فيها

الهم صحابي اول ماخرجت شافوني معيطه

اتخضو خضه وفضلو يطبطبو عليه ويقولولي متزعليش ومالك

ومفيش ثواني كنت بضحك واول مايسكتو افتكر واعيط

عموما حصل خير

كنت بجد محتاجالك جنبي

بحبك اوي اوي ونفسي تكون بتحبني قد مابحبك

بحبك ياروح قلبي بجد ومقدرش استحمل بعدك عني

بحبك اوي ومستنياك