معرفش ليه حاسه بملل
مش عارفه اخد قرار في حياتي
خايفه اوي مش عايزه اخرج
اروح اضحك كل حاجه بجد ممله
اللي بنام فيه بصحي فيه
حتى مش عايزه اخرج واشوف حد ولا اكلم حد
حياه بجد ممله
ههههههههه
مهي اوحش حاجه لما تلاقي سيستم
حياتك ماشي على نمط واحد مبيتغيرش
اهو رمضان جاي بجد نفسي اغمض عيني
وافتحها الاقي نفسي في رمضان بجد
بحبه اوووي قد ايه الخير فيه كتير والحياه حلوه
والواحد مش بيمل
يعني الواحد بيلاقي حاجات يعملها كتير
ومش بيزهق من حاجه
خايفه اوي من سنه رابعه
يارب احافظ على تقديري العام
وافضل على طول جيد جدا
يارب بجد خايفه مكونش قد المسئوليه
واتعب في حياتي بعدين
عايزه احقق احلامي بجد واكون حاجه جامده
كده دكتوره وليه وضعي وحياتي
وملتزمه وكويسه وربنا يحبني
ومحدش من الناس يزعل مني وكل الدنيا تحبني
نفسي على قد مااقدر اسعد الناس
بس من غير مايجرحوني بجد
عايزه اعمل الديوان بتاع الشعر بتاعي
بس لقيت كلاكيع كتير كده
معرفش ازاي هحلها وتقريبا جالي احباط
من الفكره نفسها
حتى الشعر لما بكتبه بقى من جوايا بيوجعني
بحس اني بجرح بيه نفسي
ممكن مواقف مؤلمه تمر عليه
ولما بكتب اللي حاسه بيه فيها عمري مابقدر
انساها ابدا وبيفضل الشعر يلاحقني بذكراها
ههههه
وانا متوصاش احلى واحده تعبر صح عن اللي حصل
عموما الحمد لله على كل شي
محدش بياخد غير اللي ربنا قاسمهوله ومقدره
