يااهلا تعبانه موت موت موت
جالي دور برد في الجون
بجد نيمني في السرير ولسه بردو
دماغي بتلف منه
بجد دور تمام بس الحمد لله على كل شئ
المهم انا مخنوقه من البلد دي بجد خنقتني
كل حاجه فيها جرحاني
حادثه العباره وبراءه ممدوح اسماعيل لصالح مين؟
وليه اتبرأ ؟ وعشان ايه؟
والغلابه اللي راحو ضحايا دول جزاتهم ايه؟
بجد لما بشوف ام بتبكي
على ابنها ولا بنتها قلبي
بيتقطع وبيزيد كرهي للظلم
دموعهم بتجرح قلبي والله
مهما كتبت احساسي صعب اوصفه
لان الكلام اعجز مايكون عن احساسي
كمان الازمه الجديده بتاعه البنزين ههههههه
انا من ساعه متولدت
وانا مش بسمع غير كلمه ازمه
ازمه مواصلات ازمه عيش ازمه مساكن ازمه وظايف
واخيرا ازمه البنزين
والكارثه بقى قانون المرور الجديد
والتعقيدات الغريبه
ولا الحوادث والاب اللي سم ولاده
عشان كيس مكرونه واللي انتحر واللي اتشل
مش عارفه بجد اقول ايه
لما بسمع اخبار بتخنق والله
وبتنرفز وبيزيد كرهي لبلدي
حاسه انها مبقتش ونيلها
وهرمها مبقوش اجدادي
كل شئ في بلدي اتغير الا
الانسان زي ماهو بس للاسف بيتهان
ده غضب من ربنا علينا ولا ايه ؟
حتى الدقيق بقى مغشوش
والجبنه واللبن عليهم بودره
سيراميك
هههههههه
حتى الجواز مبقاش ينفع حد يفكر فيه
قال ايه فحوصات قبل الجواز ولازم الاتنين يشتروا استمارتين بـــ 200 جنيه
عشان يتسمحلهم بالجواز
وعشان يقول ياجواز لازم يدفع 5000 جنيه
قانون جديد ده غير المأذون و1000جنيه
والازمه بقى اللي حصلت قبل 1/8بسبب
حوار الــ5000
الاسيمه بقت بتتباع هههههههه
بـــ 200 جنيه والمساجد زحمه
كل المخطوبين بيكتبو كتابهم
عشان القانون الجديد
ههههههههههه
بجد ناقص ايه بكره
تمن الهوا اللي بنتنفسه
ده بقى غير حوار الطاقم الاشراف
الاسرائيلي والاشاعه اللي نزلت ان الطيران من مصر لامريكا طاقم الاشراف
هيكون اسرائيلي الجنسيه عشان حمايه الامن
ده غير تصدير الغاز لاسرائيل هههههههه
هو في ايه ؟
مصر اللي كانت بلدي راحت فين؟
وانا عايشه فين؟
شايله هم على قلبي
واجعلي قلبي اوي
والمشكله بقى اني لما بكلم حد
من صحابي عن اي حاجه مش
عارفين حاجه عن اي حاجه
عايشين في الكوسه والبتنجان
محدش عارف حاجه عن حاجه
متغيبين عن الوعي كل اللي
همهم الموضه واللبس والخروج
والمصيف فين السنادي؟
بجد انا تعبانه اوي وخايفه
ياترى هيحصلنا ايه تاني؟
ولامته هنفضل كده
مش دريانين بحاجه واحنا بنتبلع حبه حبه
الاخ بيقتل اخوه عشان شبر ارض او حتى جنيه
واخر خبر وصللي
ان مصر اتكيفت بـــ 18مليار جنيه
مخدرات السنادي هههههه
والله حاجه تكسف
ههههههه ولما قالو هنأجل
المدراس رئيس الوزرا نفسه قال
مش فارقه وانه مش راضي عن حال التعليم
في مصر كله محصل بعضه
راح المدرسه زي مامرحش واهو
الواحد بيضيع وقت وخلاص
نسبه ذكاء الطفل المصري
قبل سن 6 بيكون اذكى طفل
بيروح المدرسه بيتكيف وبيكون
اغبى طفل في العالم
بيقولو ان ذكاء الطفل المصري في خطر
وشبابه في خطر ومصر في خطر
وكل حاجه حوالينا في خطر
ربنا يستر
