صحيح هما الرجاله انقرضوا
بجد خلاص مبقاش فيه رجاله كلهم بقو سواسن ولا انا اللي الانوثه اتخلت عني
شي غريب والله لما يبقى شحط طول بعرض كده وطمعان فيه وف اهلي
بلاخيبه عل الرجاله
احسن حاجه الواحد يعيش بنت وولد راجل في نفس الوقت
وقت الرقه ابقى رقيقه ووقت الجد ابقى جدعه
عموما أنا خلاص قررت وقرار نهائي اني اعيش من غير ارتباط دلوقتي
يعني مش هفكر فيه ولا هربط حد بيه
لحد ماألاقي راجل بجد
انسان ملتزم ومحترم وطموح وراجل بكل معنى الكلمه
مش عيل يقولي اشحني وكلميني
ولا يقولي اصل ماما مدتنيش المصروف لسه
ولا يستلف حاجه من صاحبه عشان يتمنظر بيها ويعمل انه ياما هنا وهناك وهو ولا يسوى حاجه
ولا واحد عايش على امل اني اتخرج واشتغل واسفره بره
وطمعان في فلوسي وفيه
ولا واحد بيمثل عليه الحب عشان يبقى اسمه مرتبط بيه
وهو مايحلمش اصلا اني اكلمه
بجد بلا قرف
الرجاله خلاص انقرضوا
فين الراجل بتاع زمان الحمش الجدع
اللي من عل السلم يتسمع خطواته يتهز كل البيت
انا عايزه راجل مش سوسن
كل اللي بيتقدمولي دول مش رجاله وكلهم مينفعوش ببصله حتى
يمكن أنا مش هبله عشان البس دبله ويبقى اسمي مخطوبه وافرح بيها يومين
واتعذب بعد كده طول حياتي
لازم بقى تفوقو عشان خاطر ربنا وتبعدو عني لانها مش ناقصاكو بجد
اللي راجل بجد يبقى يفكر يتقدملي
اللي شايف نفسه عيل يقصر على نفسه المسافات بدل ماابهدله بجد
لاني صريحه وبقول للاعور في وشه يااعور
اوووووووف
بجد بكتب وانا متنرفزه بس اهو عشان الواحد يطلع اللي جواه بدل مااموت من الغيظ
سلاااااام بقى لما احس اني عايزه اقول حاجه هبقى ادخل اقولها وامشي
سلااااااااااام
