عندي دور برد انما ايه في الجون بجد

طبعا رجعت للكليه وللشقا تاني
بجد حياه حلوه ولو انها متعبه اوي السنه دي عندي رقصه وبعد طول اختلاف قررنا نرقص فرعوني
وجبنا القماش وودناه يتخيط وبنتدرب عل الرقصه
شغل السكاشن حلو اوي وممتع بجد والنظري كمان حلو لحد دلوقتي وعلينا كم ابحاث كتييييير
بس انا حابه ده وحابه اتعلمه لاني عايزه اكمل دراسات عليا فعايزه اعرف الشغل ده بتأني
انا عملت مشكله في الكليه انا غلطانه وبعترف اني غلطانه بجد
بس انا ليه دوافعي هي مش مبررات لغلطي بس بجد انا فاض بيه
لما الاقي حد بيتعامل معايا بوشين يبقى لاء بقى لازم افضحه
هي اي نعم كانت قله اصل مني ومينفعش اعمل كده بس احسن عشان تحرم تقول على حد حاجه من وراه
طبعا انا ندمانه اني رديت الاساءه باساءه بس اهو ده اللي حصل
عندي مسابقات شعر بالهبل
كل اسبوع عندي مسابقه
عاادي مش فارقه معايا انا خدت اول جمهوريه يعني هوصل لفين بعد كده
انا اللي شاغل بالي دلوقتي اعلم حد ازاي يقول شعر ويحسه اوي من سنه اولي او تانيه بالكتير عشان لما اخلص الاقي حد يقدر يرفع اسم الجامعه والكليه يارب بس الاقي الوقت والبنوته اللي تساعدني علي كده