
والله ظلمت بابا في البوست اللي فات
كان موصيلي على تورتايه والله جميله اوي
وبسبوسه وجلاش وحاجات كتير
وماما جابت البيبسي وانا عملت تورتايه على شكل المفروض كان يبقى ارنب
وطلع معزه مش عارفه
المهم ان التورتتين كانو متشابهين في الطعم جدا
بس الاختلاف كان في الشكل بتاعه بابا احلى طبعا
المهم اننا هيصناوضحكنا كتير ومن قلبنا
لان اخويه هو كمان نجح وكنا قلقانين عليه جدااااااا
الحمد لله السنادي كلنا نجحنا وبتقديرات كمان وبابا وماما فرحانين جدا
وانا اخيرا احتفلت بعيد ميلادي اللي كنت مأجلاه لحد مانتجتي تظهر ونتيجه اخويه تظهر
واهي الحمد ظهرت وتماااااااااااام
المهم بقى وانا في عيد ميلادي كان بالي مشغول جدا
ومكنتش في المود يمكن لاني كان نفسي حد معين يبقى معايا
ورغم وجود تيتا وعمامي واخواتي وبابا وماما ومرات عمي يعني كان فيه ناس كتير
الا اني بردو كنت بلف حولين نفسي وبدور على حد تاني
مين الحد التاني ده ؟؟؟
مش عارفه المهم اني مكنتش على بعضي وخلاص
اهو اليوم عدي واتكوم لماما ياعيني الاطباق كلها تغسل فيها وسبتها ونمت لاني كنت
في اليوم ده خلاااااااااااااااص بجد بجد اتقتلت على الاخر
1 comment:
جلاش
اشطه
واضح ان عمو الحج حارمكو م الجلاش لحد متنجحو
بس حلوه الكتابه ربنا يوفقك وتبقى دكتوره
Post a Comment