يارب هروح فرح النهارده
بس المشكله ان ابن خال صاحبتي كان متقدملي ومحصلش نصيب
وهي عزماني على فرح اخوها وابن خالها اكيد موجود
خايفه اروح يتفتح الموضوع تاني وانا مبعرفش احرج حد واقول لا
خاصه ان اهل صاحبتي بيحبوني اوي
وانا والله بحبهم بس مينفعش ارتبط بابن خالها لاننا مختلفين في حاجات كتير
مش عايزه ازعل صاحبتي ومروحش
وف نفس الوقت خايفه اروح ارجع مضايقه اكتر
قولت لبابا بابا مقلش حاجه
لا اه ولا لأ
بس ممكن يوافق اني اروح
بس خايفه من المواجهه وخاصه ان ريهام اخت صاحبتي هناك وهي اللي
كانت ماشيه في الموضوع من البدايه
يارب اللي فيه الخير ليه وجهني ليه يارب مليش غيرك
انت اعلم مني بما هو خير لي فألهمني اليه
No comments:
Post a Comment