بس شويه برد وخلاص
طبعا الشباك كان مفتوح طول الطريق
ونسيت اني ممكن أتعب بس الحمد لله
انا تمام
اوقا ت الانسان بيحس باحاسيس هو مش عارف ايه مصدرها؟
او ليه ؟
وياترى هيحصل ايه بعد كده؟
بس ربنا يستر ياقلبي
من شويه كنت هبقى مشوهه
بس الحمد لله ربنا ستر
شلت الزيت وهو سخن ومعرفش انه سخن أو نسيت
وكنت بردو هتكهرب هو يوم حوادث ربنا يستر وخلاص
حلمت حلم غريب بجد
حلمت ان ربنا بعتلي رساله بيقولي اني هموت خلاص
واخلي بالي
وأنا كلي ذنوب كنت وقتها مع بابا كنت خايفه أوي
بس خلاص
لا يفيد البكاء على اللبن المسكوب
خايفه اوي اوي
اموت لاني عارفه اني مش كويسه ومعملتش لليوم ده
خالص
صحيح النهارده المفروض المولد النبوي
مينفعش أقولك كل سنه وانت طيب
لانه بدعه
تعرف بجد
انا النهارده نفسي كنت أصوم بس نسيت
شفت مش قولتلك اني دماغي بعيده
وأعمالي لو اتحسبت مش هعدي بيهم الصراط اصلا
بس ربنا رحيم وكريم وغفور
وبردو شديد العقاب
يييييييي
بجد خايفه موت
نفسي أصلي السنن لاني بصراحه كده بصلي الفروض بس
نفسي اكون عبده لله
مقصره اوي مع ربنا ومش عارفه ليه؟
لاء عارفه
ذنوبي
ايوه الذنوب
يارب بجد نفسي اتغير وبحبك اوي وبحب الرسول
ومش عارفه انا ليه انسانه وحشه اوي كده
حقيقي نفسي تكون جنبي وتخاف عليه اوي
وتحميني من نفسي
ومن شيطاني
بحبك أوي ياللي هتكون زوجي
عشان مايبقاش حرام عليه
نفسي أوصل لدرجه تانيه اغير بيها حياتي
حياتي كلها علوم دنيويه ومفيش علوم دينيه خالص
بجد نفسي ارجع احفظ قران واحضر دروس
ياترى هتشجعني على كده
ولا هتكون عايزني دميه في ايدك
تكون معاك اموره وحلوه
عشان الناس تتكلم عنك
ولاهتخفيني عن عيون البشر
وتخاف عليه
يااااااا
بجد قلقانه
ربنا يستر
1 comment:
الف سلامه عليكى
Post a Comment