امبارح كنت في خطوبه واحده قريبتي
لحد أخر الوقت مكنتش عايزه أروح
بس هدى اصرت اني اروح معاها
صدرتها لبابا على اساس اني واثقه انه هيرفض يخرجني
لاني مليش مزاج وهو سامعني انا بقولها لاء
لكن للاسف قالي روحي معاها
المهم لبست وروحت
وبالرغم من بساطه الفرح الا انه لفت نظري
قد ايه العريس على استعداد يعمل أي شئ
عشان يسعد خطيبته وهيستحمل اي شئ
ممكن يحصل في يوم من الايام وخصوصا
ان ابو العروسه صعب شويتين
ويارب الموضوع يكمل للاخر
بجد هو قد ايه انسان طيب ومحترم ومتفاهم جدا
وفوق كل ده مسايس ابوها عل الاخر
ربنا يتمملهم على خير
بجد وقتها كان نفسي اكون مكانها
وكل الناس فرحانه بيه
نفسي افرح اهلى وأوافق على حد متقدملي
بس مش بلاقي نفسي معاهم خالص
مش غرور ولا نمرده بس مش برتاح للموضوع
هو صيحيح أحلامي ممكن تكون مستحيله في الزمن ده
بس مسيري الاقيك
حبيبي وحشتني أوي
نفسي بجد أعرف انت مين
واخدك قدام الناس كلها وأقولهم أهو ده حبيبي
اللي رفضت كل الناس على شانه
ياترى هتستحق ده مني
وهتكون قد ثقتي بيك
يارب بجد تكون قدها عشان انا بحبك أوي
No comments:
Post a Comment