كنت حاسه ان اليوم مش هيعدي كده
يعني لازم يحصللي حاجه والحمد لله حصللي الحاجه
مسدس الشمع وأنا بلزق الورده لسع صابعي
الحمد لله طبعا على كل شئ
بس الاغرب بقى ان الموضوع معداش بالساهل
بعدها بشويه
حله الرز كانت سخنه جدا
وبالرغم من اني انا اللى كنت لسه طافيه عليها
مسكتها بايدي
هههههه
بجد مش عارفه في ايه ؟
مخي مش معايا خالص
الاغرب بقى اني في نفس اللحظه اللي حصللي فيها كده
وقفت وفكرت ايه اللى شغل بالي للدرجه دي
ملقتش حاجه بجد
وسرحاني مكنش في حاجه
هو شئ عادي انك متسرحش في حاجه مفيده
بس اللي مش عادي هو انك تتلسع على سرحان مفيوش حاجه
فاهم حاجه
ههههههه
طيب
انا بكره هسافر بجد الاسبوع ده صعب اوي
ورايه كذا مشروع لازم يتسلمو ا
يعني يارب الاقي وقت انام بس
بجد زهقت من الكليه
والمشكله بقى اننا في الصيف وانا بتنرفز بسرعه
ومش بحب الحر ابدا بجد مش بستحلمه
ولما بصدق الاجازه تيجي عشان افضل في البيت ومخرجش خالص
الصيف بجد شئ بالنسبالي مقزز جدا
وخصوصا ان بشرتي بتتبهدل من الشمس
ومش بحب الحر خالص
ياللا أهي ايام ربنا يعديها على خير
المهم حبيبي تكون بتحب الشتا زيي
لاني بجد مش بطيق الصيف
اه نسيت اعرفك انا في الصيف بكون عصبيه جدا
ومش بستحمل كلمه من حد
صحيح
هو انت ممكن في يوم تضربني؟
أو حتى تفكر تشخط فيه؟
يااااا
بجد مش عارفه لو لا قدر الله حصل كده
ممكن يحصللي ايه؟
مش هصدق نفسي
ومش هقدر بردو اسامحك ابدا
او اعيش معاك تاني
لاني بجد حساسه جدا
ممكن بنظره تقتلني
ياريت تكون حنين عليه وبلاش تكون قاسي
لاني بحبك ومش هستحمل منك كده
No comments:
Post a Comment