امبارح جاتلي هديه من ولد في الليسيه
بجد كنت فرحانه بيها اوي
وخصوصا بالورده اللي في الهديه
لاني بحب الورد اوي
وخصوصا لما تكون من حد بيحبني
النهارده عندي حفله في الكليه
كنت ناويه اكبر دماغي منها بس للاسف
استاذه هناء اتصلت بيه
وقالتلي انها معتمده عليه النهارده
فمينفعش طبعا اخذلها
المهم جهزت الكلمه الافتتاحيه
اللي هبدأ بيها الحفله وكمان هقول شعر
لان استاذه منى قابلتني وزعقتلي
عشان بعتذر عن الشعر
قالتلي ماينفعش
المهم بردو جهزت القصيده
اللي هنزل بيها الحفله
المهم حبيبي أنا مش عارفه ليه مضايقه
وحشتني ماما أوي
خليك فاكر لما تقرا البوست ده
ان فيه حاجه مضايقاني هبقى اقولهالك
بس بليز سامحني
أنا بجد حاسه بذنب كبير
ناحيتك ووالله العظيم
بحبك
بحبك اوي كمان ومش بقصد
اضايقك او حتى ازعلك
بس أنا بجد محتجاك جنبي ومعايا على طول
بجد خايفه اوي من نفسي
بعمل حاجات مش عارفه ليه بعملها
وخايفه اوي بجد
بس خلاص اوعدك اني هعمل
استوب ومش هادي لنفسي
فرصه تعمل حاجه مش من حقها
عشان الانسان معندوش غير قلب واحد
وروح واحده
وبنعيش مره واحده
فلازم اعيشها صح
بحبك اوي وبجد عايزاك معايا دلوقتي
صدقني مش هسامحك
انك سايبني لوحدي لو كنت اعرفك وتعرفني
اما لو مكنتش تعرفني فسوري عن كلامي ده
بحبك حبيبي اوي
No comments:
Post a Comment