ورجعت من السفر دايب من الفراق مشتاق لعيون حبيبي ولحظه الاشتياق
رجعت من كايرو اخيرا
طبعا وحشتني موت
طبعا عايز تعرف خطه سيري
اول يوم وصلنا الساعه 11 تقريبا
كان طابور العرض
كنت ماسكه علم جامعه اسكندريه
وايدي فضلت وجعاني وانا متذنبه
بس الحمد لله خلص الطابور
وريحت ايدي
الجو طبعا حر جدااااااااا
وكمان تراب
ويوم مافكر مطر كان مطر بالتراب
يوم بهدله بجد
المشكله بقى اني مكنتش عارفه اتنفس خالص
وكنت حاسه اني هقع من طولي
خلص طابور العرض وقعدونا في جامعه القاهره
في الاستاد وبدأنا نلعب الرياضي طايره وسله
طبعا خسرنا وبلا فخر
رجعنا بيت الشباب بتاع المنيل
وقعدنا اتغدينا وصلينا ونمنا
وبالليل
روحنا مسرحيه لفيكتور هوجو
اسمها البؤساء
مكناش كلنا عايزين نروح لانها مش مشهوره
بس ده بروجرم
ولازم يتنفذ
فروحنا
قابلت مين هناك
منى هلا
بتاعته برنامج ياللا بينا
فعلا كنت مخدوعه فيها
قد ايه هي انسانه تافهه جدا ومعندهاش هدف
ومعندهاش اي ذره احترام لنفسها حتى
بجد مهما اتكلم وااوصف فيها مش هتصدق البراءه اللي بتشوفها في عنيها
على فكره هي شبراويه وعلى حق ربنا كمان
طبعا ندمت عل اليوم اللي فكر ت فيه اني اتكلم معاها اصلا
المهم سمعنا المسرحيه بجد كانت ممتعه
ومنى عازمتني على الملك لير في ليسبه الحريه في اسكندريه طبعا
انا اصلا بشتغل في ليسيه الحريه
ومش هروح اتفرج عليها
لاني مش فاضيالها
عموما
اليوم خلص ورجعنا اتقلبنا كلنا
تاني يوم صحينا بدري
وفطرنا
الفطار
مشكلتي بقى كانت الفطار
وبما اني فتاه مدللة
فأنا مش باكل الفول والفلافل
ومفطرتش
روحت اشتريت بسكوت وعصير
وبعد كده روحت الجامعه كانت مسابقه الشطرنج
طبعا خسرنا ههههههه
فيها
بس اخدت اسراء مركز تاني بالمناصفه مع اسلام
واخدت ميداليه فضيه
اما المعلومات العاميه
فطبعا
خسرنا بردو فيها
اصبت باحباط شديد مبقاش فاضل غير انا والكورال
الامل علينا عشان نرفع راس جامعه اسكندريه
اتأجلت مسابقتنا للساعه 4 رجعنا اتغدينا
ورجعنا تاني الجامعه
بدأت الاول بالكورال بتاع جامعه القاهره
ههههه
بجد كانو يجننو ودمهم زي العسل وصوتهم حلو اوي
وبعد كده احنا طبعا احنا كورالنا على قده بس معانا الاء بتعزف
سماعي فده ادانا ميزه على كل الجامعات لانهم كانو مستعينين
بناس تعزفلهم من معهد الموسيقى
فأخدنا مركز أول كورال
الحمد لله
لما اخدنا استريحت بجد ومكنش هاممني افوز في الشعر ولا لاء
بس لما اعلنوا ان الفائزه الاولى في مسابقه الشعر هي
أنا فضلت اصوت وكنت فرحانه اوووووووي
وصحابي فضلو يغنولي
يارانيا ياحبي ياحته من قلبي
وكانت الجامعه كلها مهيصالي
بالرغم اني كنت دلوعتهم بس كانوا بيحبوني اوي
كنت خايفه اوي من اسلوبي في الالقاء
لانه شويه جذاب واوقات بيتفهم غلط
بس حمدت ربنا ان كل اللي موجودين كانوا حابني زي مانا
بالانجلش اللي في كلامي وطرقتي في عرضي وكل حاجه
المهم جه معاد القصه القصيره
للاعلان عن الفائزين
طبعا الفائزه الاولي كانت من جامعه القاهره
وأنا لسه في نص الطريق لقيت نفسي الفائزه التاني
مصدقتش نفسي ةكنت فرحانه اووووووي
ورجعت تاني جري والجامعه كلها بتحييني وصحابي بجد كانو طايرين بيه
رفعت راس جامعه اسكندريه
الحمد لله
طبعا بعدها السمر
رقصنا وضحكنا كلنا واليوم كان ممتع اوي
طبعا اول واحد كلمته كان بابا فرح اوي هو وماما واخواتي
بعدها بقى بعدت لصحابي الغالين عندي رساله اقولهم اني اخدت اول شعر وتاني قصه
بجد كنت فرحانه اوي اوي
بعدها مدام نعمات اخدتنا وودتنا النيل وركبنا مركب في النيل ورقصنا وهيصنا وكان يوم جميل اوي اوي
وبعدها الساعه واحده بالليل طبعا روحنا
خان الخليلي
كونا طاقين يومها
اللي نفسه في حاجه وبيحلم بيها كان بيعملها
نرقص في الشارع نصوت نغني
كل حاجه بجد مجنونه اتعملت
بعد كده روحنا ادلقنا كلنا كالعاده عل السرير
صحينا تاني يوم جهزنا الشنط وفطرنا
وروحنا القلعه
قعدت اتصور واجري
وشفت المتحف الحربي اكتر متحف لفت نظري بجد
بس اتغابيت اوي
في وسط صور الوطنيين بسأل العسكري عن صوره نابليون
طبعا كان فيه ناس من كليه اثار ومعاهم الدكتور بتاعهم فطسو على نفسهم من الضحك عليه
المهم اليوم عدى
وروحنا خان الخليلي اتفسحنا تاني بالنهار
وكلنا كشري بالرغم اني مش بحبه
بس مينفعش كنت اقول كده لان كلنا كنا في ريستورانت واحد فمينفعش انا اللي اكون شاذه عنهم
اكلت بالعافيه
بس بجد كنت مستمتعه اني بعمل حاجه في الطبيعه مش بعملها
وبعد كده رجعنا اسكندريه وف الطريق نزلنا سمر مون في طنطا
واشتريت بسبوسه لماما لانها بتحبها
وبعد كده روحت البيت ورجعت
طبعا بابا زعقلي لاني راجعه متأخره بس مزعقليش كتير
وكان فرحان اوي هو وماما واخواتي بالميدليتين
بس كده حبيبي دول اليومين اللي فاتو
وحشتني
صحيح وانا في المركب مغبتش عن بالي ثانيه واحده
وقد ايه الجو كان رومانسي وحلو وكان محتاجالك
بحبك اوي حبيبي
1 comment:
مبروك
Post a Comment