مبحبش حد يشوف اي دموع في عنيه
عشان لا اصعب عليه ولا يزعل عليه
واضحك وكأن الضحكه
بجد مش محتاجه طبطبه من حد
من لو بتكسر من جوايا
مش عايزه في نظر اتهد
مبحبش ابان مغلوبه ضعيفه
وصورتي قدام الناس تتهز
ولا حد يشوفني يقول مسكينه
ياعيني وملهاش حد
واضحك وكأن الضحكه بجد مش محتاجه
طبطبه من حد
مانا لو بنكسر من جوايا مش عايزه
في نظر الناس اتهد
مبحبش حد يشوف اي دموع في عنيه
عشان لا اصعب عليه ولا يصعب عليه
دي أنا
فعلا عمري مابكيت قدام حد غير مره
واحده ومش عارفه ليه؟
بس يمكن لاني حسيت براحه وامان وقتها
دموعي غاليه اوي
وصعب تنزل اساسا لحد
مهما كان
مش قسوه مني بس لاني مبحبش ابين ضعفي لحد
أو يمكن تكون غالي عليه اوي
ومش عايزه اصعب عليك
أو لاني بعتبره ضعف
مش عارفه
بس اعمل حسابك انك مش هتشوفلي دموع
ولو شفتها يبقى عيد
بجد صعب جدا دموعي تنزل
انا مش من البنات اللي بتعيط بسهوله
ودموعها سهله
ممكن اعيط لواحدي وأنت تشوفني صدفه
لكن اعيط قدامك أو قدام حد مستحيل بجد
يمكن لاني اتعودت على كده من وأنا صغيره
اني أكون قويه
مش عارفه بس صدقني مش كبرياء مني
ولا عدم ثقه في تقدير مشاعري
بس مش هقدر ابين دموعي ليك
أنا بستريحلك اكيد وبحبك
بس متزعلش مني لو حسيت اني
في موقف من المواقف سلبيه
ومبعملش حاجه
واضعف شئ اعمله اني اسيبك وامشي وقتها
بس صدقني من جوايا بكون مكسوره اوي
ومجروحه اوي
4 comments:
الى بيحب حد بجد مبيعملش حسابه على انه حد تانى بيكون بالنسبه له جزء منه
يعنى بيشاركه فى كل شىء احلامه وفرحه وحزنه وحتى انفاسه لانه بيكون حاسس بيه ساعات اكتر منه
سمعتى لانغام وحدنيه ولا فى الركن البعيد الهادى ولا يا اعز واغلى واطيب قلب
ثقتك قوية اوى فى نفسك تحياتى ليكى ولمدونتك اللى فى منتهل جمال سعدت بمروى للمدونة وان شاء الله مش هتكون اخر مرة تحياتى (اسير الجراح) اتمنى زيارتك لمدونتى
Post a Comment