وحشتنييييييييييييييييييي بجد بجد
امته هتيجي بقى والله وحشتني اوي
نفسي أشوفك بقى
امبارح بالليل الازاز وقع على رجلي ازاي متسألنيش المهم في اصابات كالعاده
اتعورت تلات تعويرات المهم بقى الدم مش راضي يقف خالص زي ماتكون نافوره اتفتحت
حطيت رجلي تحت ميه بردو الدم غرق المكان كله وهدومي وكل حاجه أول مره أعرف
أني عندي كل الدم ده
المهم جبت قماش كتير وحطيته على رجلي طلع بره القماش وبردو بتنزف
المهم بقى ان الدم بعد كده حسيت ان لونه بقى اسود مش عارفه ليه بعدين قلب احمر
اللون الطبيعي المهم بقى اني وقتها حسيت ان الدنيا بتتمرجح حوليه
والنزيف مش راضي يقف المهم بقى انه مينفعش اعرف ماما ولا بابا عشان هيقلقوا عليه
وفيها دكتور وانا مش ناقصه دكاتره وهما مايتوصوش معايا في الموضوع ده
المهم كتمت الجرح لحد ماالدم نشف وتقريبا اتجلت وبعدها قعدت المشكله بقى ان الشقه ملطخه بالدماء وماما هتشد في شعرها هتموت وتعرف جه منين كل الدم ده ؟
المهم قدر الله وماشاء فعل
الحمد لله على كل شئ
المشكله بقى اني مش حاسه برجلي خالص وحاسه انها منمله طول الليل ولحد دلوقتي وحاسه
بهبوط شديد وعماله اكل موز واشرب عسل ابيض ومفيش فايده بردو مش حاسه برجلي خالص
وبالرغم كل ده بقى ماما سافرت والمفروض اعمل الغدا ومش اي غدا لااااا دي محدده اعمل ايه
يعني مش هقضيها مكرونه وكبده كالعاده
ده محشي وورق عنب ولحمه ولسان عصفور وشربه خضار وسلطات
المهم بقى ازاي اقطع اللحمه مش بعرف
بس هحاول وربنا معايا
وبرغم كل ده فرحانه اوي بجد وقلبي فرحان اوي سبحان الله
بحبك أوي ووحشتني ونفسي ترجعلي بقى
بجد هموت من غيرك ونفسي أشوفك
