أنا فرحانه أووووووووووووي
حبيب قلبي كلمني النهارده وجابلي خاتم الخطوبه
بجد أنا فرحانه موت وهيلبسهولي يوم التلات الجاي
طبعا لما الموبيل رن كان رقم غريب كان بابا جنبي رديت
لقيته مهاب حبيبي قالي " وحشتيني ياميس أوي أنا جبتلك الخاتم وهخطبك يوم التلات "
فرحت موت بجد الولد ده بموت فيه وبحبه أوي كان باباه ومامته جنبه سلمت عليهم
بابا جنبي هيشد في شعره مني وبيبصلي باستغراب وحشتني وخاتم
قال البنت اتهبلت يا اتجننت والمهم اني صوتي عالي وبضحك قدامه وعادي جدا
هههههههههه
كان موقف فظيع وبيبص لتيتا
وبيقولها مين مهاب ده
طبعا بابا عاقل جدا يعني خد الموضوع
براحه لحد ماخلصت وسألني مين ده؟
قلتله ده ولد أمور بموت فيه اسمه
مهاب وعنده اربع سنين وبجد بحبه موووووت
أمته بقى يوم التلات ده يجي وأشوفه
وألعب معاه هو وبلال وروان وهنا و عبد الرحمن
اه عبد الرحمن ده مصيبه بجد فظيع مش
بيبطل شقاوه بس ولد جدع بمعنى الكلمه
ههههههه
صحيح في يوم كنت في الليسيه
وانا في الكلاص وماسكه ايد مهاب جاي بلال يمسك
ايدي التانيه مهاب بصله كده وقاله لو راجل امسك اديها بلال طبعا قاله راجل ومسك ايدي مهاب لسه هيضربه
خدت موقف على طول منه وقلتله
انا بحبكوا انتو الاتنين ومش بفضل حد عن حد
وعموما اللي هيجيب الخاتم الاول
هتخطبله وخدت الموضوع بهزار
بس بجد أنا فظيعه معاهم بقعد أجري وأنط في الكلاص
ونجري واخليهم يجرو ورايا والشاطر اللي يمسكني
ونلعب الكراسي الموسيقيه ونرقص وامرجحهم
بس عندي مشكله بقلدهم في اكلهم وباكل شيكولاته
وامسك معلقه صغيره زيهم حاجات عبيطه كده بعملها
بس بجد بكون فرحانه
وهما كمان بيأكلوني الشيبسي والبسكوت باديهم
وبيلعبوني بالعرايس واللعب بتاعتهم
بحبهم بجد أوي ووحشوني أوي
وبموت فيهم بجد وبحبهم أوي أوي
وهما وحشوني كتير
وانت كمان أكيد وحشتني أكتر منهم
بحبك موت ونفسي تيجي بقى
